Алтын көҙҙөң матур байрамы - Ололар көнө
Алтын көҙҙөң матур байрамы - Ололар көнө Үҙәк майҙанда Асҡар ауыл биләмәһе ололары өсөн байрам концерты һәм былау, йыуаса менән сәй табыны ойошторолдо. Сал сәсле инәйҙәрҙе, апаларҙы район хакимиәте башлығы Айрат Әминев, Асҡар ауыл биләмәһе башлығы Тимур Кирәйев тәбрикләне һәм әүҙем тормош алып барғандарҙы маҡтау ҡағыҙҙары һәм рәхмәт хаттары менән билдәләнеләр. Ололар мәҙәниәт хеҙмәткәрҙәре тарафынан әҙерләнгән матур концерт ҡараны, ретро йырҙарға ҡушылып йырланы, дәртле ҡурай, гармун көйҙәренә бейене, Асҡар ҡатын-ҡыҙҙар советы ағзалары бешергән тәмле йыуасанан ауыҙ итте, эшҡыуар Эркинжан Бахроловтың былауы менән һыйланды. Һәр кем байрам кәйефе алып, көр күңел менән ҡайтты.
222 просмотров