Өфөгә "Китап-байрам"ға ниндәй мәртәбәле ҡунаҡтар киләсәге билдәле булды
Өфөгә "Китап-байрам"ға ниндәй мәртәбәле ҡунаҡтар киләсәге билдәле булды IV халыҡ-ара «Китап-байрам» китап йәрминкәһе 28–30 май көндәрендә Өфөнөң Совет майҙанында һәм республиканың муниципалитеттарында уҙа. Мәртәбәле ҡунаҡтар: Рәсәй Президенты ярҙамсыһы Владимир Мединский, Рәсәйҙә Китап нәшер итеүселәр ассоциацияһының президенты Константин Чеченев, адвокат, Рәсәйҙең атҡаҙанған юрисы Павел Астахов, Рәсәйҙең халыҡ артисы Сергей Безруков, Рәсәй Яҙыусылар союзы идараһының яуаплы секретары Николай Иванов, шулай уҡ Рәсәйҙең халыҡ артисы Анита Цой. Гөлшат Абдеева, Алена Филиппова, Олег Чегодаев, Лилиә Шафиҡова, Александр Шубенков менән осрашыуҙар үтә. Дарья Воронова үҙенең «Слышу себя насквозь» китабын тәҡдим итә. 29 майҙа «Ҙур татыу ғаилә» студенттар яҙының гала-концерты, «Тыуған ер тауыштары» лекторийы, «Нимә? Ҡайҙа? Ҡасан?» спорт уйыны уҙа. Милли китапхана майҙансығында Екатерина Горбунова, Алһыу Иҙрисова, Рената Вәлиева, Рафаэль Бәһәүетдинов кеүек авторҙар сығыш яһай.