Эсибизни, тилибизни, жерибизни сакълау – оюнну тамалы — 21 июня 2026 г. в 11:27:41.878
Эсибизни, тилибизни, жерибизни сакълау – оюнну тамалы Спектакльлени да, жазмаланыча, тюрлендиредиле, биринчи, экинчи тюрлюлери болургъа болады. Къулийланы Къайсын атлы Малкъар къырал драма театрда «Ажашханла» спектакль да алай жангыртылгъанды. Бюгюнлюкде репертуарда «Ажашханла» бла «Саудюгерчиле» театрны бек кючлю оюнларыдыла дерге боллукъду. Бу спектакль Чингиз Айтматовну «Ёмюрден эсе узун созулгъан кюн» деген романына кёре салыннганды. Белгилисича, Къулийланы Къайсын Къыргъызда журналда ишлегенинде, Айтматовну биринчи хапарын басмалагъанды. Къайсын ол биринчи хапарда окъуна ангылагъан эди, Айтматов фахмулу адам болгъанын. Къалай сейирди: Къайсынны атын жюрютген театрда Айтматовну романына кёре спектакль барады бюгюнлюкде уа, бу эки адамны араларында озгъан ёмюрде къуралгъан байламлыкъ юзюлмей. Спектакльни юсюнден газетни бетлеринде окъургъа боллукъсуз.