«Алтын къол» – халкъланы къолдан усталарыны байрамы — 8 июля 2026 г. в 14:47:29.130
«Алтын къол» – халкъланы къолдан усталарыны байрамы Ата-бабаларыбызны заманларында халкъ байрамла болгъандыла. Бюгюнлюкде бизни республикада белгили байрамладан бири «Алтын къолду» десек, ол кертиди. «Къайсыннга жюз атлам» фондну башчысы Тетууланы Хадис он жыл мындан алгъа таулуланы энчиликлерин – къол усталыкъларын, ариулукъну кёре, багъалай билгенлерин – битеу дуниягъа баям этерге излеп, бу фестивальны къурагъанды. Бюгюнлюкде «Алтын къол» битеу миллетлени майданыды. Бизге кёп жерледен къонакъла келедиле. Къол устала! Фестиваль халкъланы бирикдиреди, шуёхлукъну кючлендиреди. Онунчу «Алтын къол» Черек районну жер-жерли администрациясыны болушлугъу бла Чирик кёлде онсегизинчи июльда бардырыллыкъды. Газетни корреспонденти да бу огъурлу ишни аллында Тетууланы Хадис бла тюбешип, анга бир къауум соруу бергенди. Аны газетни бетлеринде окъургъа боллукъсуз эмда сизни анга къатышыргъа чакъырабыз.