Терек бахчалары уа шууулдайдыла — 13 августа 2026 г. в 08:47:07.029
Терек бахчалары уа шууулдайдыла Элли эки жыл ишлейди эл мюлк илмуланы кандидаты, селекционер, сортовед, чынтты алим Ахматланы Зулайха Тау эм тау этекледе терек бахчалыкъны тинтиу жаны бла федерал къырал илму институтда. Лаборантдан башлап, баш илму ишчиге дери жолу тынч болмагъанды. Шапталны жыйырма жангы сортун, дагъыда шапталны, персикни, нектаринни отуз беш гибрид формаларын чыгъаргъанды. Бир сортну чыгъарыр ючюн а, онтёрт жыл кюреширге керекди. Жетишимли ишлегени ючюн Ахматланы Зулайха 2009 эм 2010 жыллада Россейни Эл мюлк министерствосуну алтын майдаллары эм дипломлары бла саугъаланнганды. Зулайха Пашаевна салгъан терек бахчала жаланда бизни республикада, Кавказда угъай, битеу Россейде да чагъадыла. Таулу алим хоздоговорлагъа кёре Къабарты-Малкъарны, Чечен Республиканы, Ингушетияны, Шимал Осетияны мюлклеринде ишлегенди. Персик бла байламлы илму тинтиулерин Испанияда ол жаны бла ишлегенле да хайырланнгандыла. Ахматланы къызы жюз бла жыйырма илму иш эм беш монография басмалагъанды. Аны юсюнден газетде материал басмаланады.