ГБУ РС (Я) Эвено-Бытантайская ЦРБ им. К. А. Серебряковой
Еда и рецепты · 9 сентября 2026 г.
Эбээн-Бытантай улууһугар быраастар мобильнай биригээдэлэрэ үлэлиэҕэ
Эбээн-Бытантай улууһугар быраастар мобильнай биригээдэлэрэ үлэлиэҕэ 🧑🔬🩺 Балаҕан ыйын 10-24 күннэригэр Дьокуускай куораттан быраастар мобильнай биригээдэлэрэ кэлэн үс нэһилиэгинэн үлэлиэҕэ. Быраастар биригээдэлэрэ көтөн кэлээт даҕаны, балаҕан ыйын 11 күнүттэн улуус киинигэр Саккырыырга биир нэдиэлэ кэриҥэ өрөбүлэ суох олохтоохтор доруобуйаларын көрүөхтэрэ-истиэхтэрэ. Онтон салгыы бастаан Дьарҕаалаахха, онтон Кустуурга барыахтара. Биригээдэ састаабыгар нэһилиэнньэ наадыйар араас хайысхалаах быраастара бааллар. Ол курдук, терапевт, эндокринолог, кардиолог, акушер-гинеколог, офтальмолог, ультразвуковой диагностика бырааһа, травматолог, лор, клиническай психолог, невролог, онколог, итиэннэ орто медицинскэй персонал үлэһиттэрэ улуус олохтоохторун доруобуйаларын туругун чинчийиэхтэрэ. ❗Анал байыаннай дьайыы кыттыылаахтара уонна кинилэр дьиэ кэргэттэрин чилиэттэрэ уочарата суох киирэллэр диэн К.А. Серебрякова аатынан улуустааҕы киин балыыһа салалтата иһитиннэрэр. Хаартыска эрэдээксийэ архыыбыттан туһанылынна https://max.ru/channel_bytantayuottara