🌿⚜️Уруйдан, төрүт дойдум Горнай! Ыһыах 95 сыллаах үбүлүөйэ киэҥ далааһыннаахтык ыытылы... — 29 июня 2026 г. в 08:33:06.608
🌿⚜️Уруйдан, төрүт дойдум Горнай! Ыһыах 95 сыллаах үбүлүөйэ киэҥ далааһыннаахтык ыытылынна! ☀️Бэс ыйын 25 күнүгэр Горнай улууһа төрүттэммитэ 95 сылыгар анаммыт "Уруйдан, төрүт дойдум Горнай" үбүлүөйдээх Үрүҥ Тунах ыһыаҕа киэҥ далааһыннаахтык ыытылынна. Бу улуус олоҕор улахан суолталаах тэрээһин буолан, дьону-сэргэни түмтэ, үөрүү-көтүү аргыстаах ааста. Ыһыахха Горнайдааҕы кырдьаҕастар уонна инвалидтар интэринээт дьиэлэрин олохтоохторо эмиэ кыттыыны ыллылар. Кинилэр ыһыахха кэлэн, дьону-сэргэни кытта алтыһан, үөрүүлэрин үллэстэн, сахалыы үгэстэргэ тиксэн, дуоһуйа сынньаннылар. ✨Ол иһигэр, 100-с сааһын туолбут, тыыл бэтэрээнэ Тарасова Мария Григорьевна Бэрдьигэстээх нэһилиэгин Аҕа баһылыгын ыҥырыытын тутан, ыһыахха ытыктабыллаах ыалдьыт быһыытынан кытынна. Мария Григорьевна уһун олоҕун устата улуус сайдыытыгар бэйэтин кылаатын киллэрбит, үлэҕэ-хамнаска бэриниилээх, дьоҥҥо-сэргэҕэ ытыктабыллаах киһи. Кини ыһыахха кэлбитэ дьоҥҥо-сэргэҕэ улахан үөрүү буолла, киниэхэ уһун үйэни, доруобуйаны баҕардылар. 💫Бу ыһыах Горнай улууһун историятыгар саҥа кэрдиис кэми арыйда. Улуус сайдыытыгар, дьонун-сэргэтин чөл олоҕор, үүнүүтүгэр-сайдыытыгар инникитин даҕаны үлэлиэ-хамсыа диэн эрэнэбит. Уруй Айхал! Уруйдан, төрүт дойдум Горнай!