"Санаа күүһэ – сырдыкка дьулуһуу": Талаан уонна күүс дьулуур туоһута!
"Санаа күүһэ – сырдыкка дьулуһуу": Талаан уонна күүс дьулуур туоһута! ☀️ Муус устар 17 күнүгэр Мэхээлэ Дьөгүөрэп аатынан Сынньалаҥ киинигэр улуустааҕы "Санаа күүһэ – сырдыкка дьулуһуу" диэн ааттаммыт тэрээһин буолан ааста. Бу күн доруобуйаларынан хааччахтаах биир дойдулаахтарбыт айар-тутар талааннарын, историяны кэрэһэлиир, үйэтитэр коллекционердарын үлэлэрэ киэҥ эйгэҕэ, бар дьон көрүүтүгэр таҕыстылар. ✅Сүрэх истиҥ иэйиитинэн, олоххо тардыһыы модун күүһүнэн күн сирин көрбүт бу үлэлэр улууска Доруобуйа сылыгар анаан бэлэхтэннилэр. Бу тэрээһин интэринээт-дьиэ олохтоохторо быыстапканы сэргии көрдүлэр, доруобуйаларынан хааччахтаах дьон талааннарыттан, дьулуурдарыттан сөхтүлэр. ✅Тэрээһин түмүгэр хамаанданнан үстүү киһиэхэ арахсан, Леонтьев Константин Васильевич уонна Портнягин Юрий Данилович остуол оонньуутугар Корнхолга оонньоон 3-с миэстэни ылары ситистилэр! Кинилэр бочуотнай грамотанан, мэдээлинэн уонна сертификатынан наҕараадаланнылар.🎉 💫Бу курдук, "Санаа күүһэ – сырдыкка дьулуһуу" диэн тэрээһин доруобуйанан хааччахтаах дьон олоххо активнай кыттыыны ылалларын, бэйэлэрин талааннарын арыйалларын, уонна улуус сайдыытыгар кылааттарын киллэрэллэрин туоһулуур. Бу күн барыбытыгар үтүө холобур буолла!🤗