✨Өрөгөйдөөх 80 сыллаах үбүлүөй!✨ ...

✨Өрөгөйдөөх 80 сыллаах үбүлүөй!✨ Муус устар 2 күнүгэр Горнайдааҕы кырдьаҕастар уонна инбэлииттэр интэринээт-дьиэлэригэр олорор ытык кырдьаҕаспыт Леонтьев Константин Васильевич Өрөгөйдөөх 80 сыллаах Үбүлүөйүн бэлиэтээтибит! Бу үөрүүлээх тэрээһин икки чааһынан арахсан, олус үчүгэйдик, умнуллубаттык ыытылынна.🎉🎊 🔹Бастакы чаас: Спортивнай эҕэрдэлэр уонна сырдык ахтыылар Үбүлүөй бастакы чааһа П.Д. Аввакумов аатынан Киин бибилэтиэкэ үлэһиттэрин көҕүлээһининэн олус интэриэһинэй тэрээһин буолан ааста. Бу чаас сүрүн бэлэҕинэн Константин Васильевичка Саха сирин олимпиецтара уһулан ыыппыт эҕэрдэлэрэ буоллулар. Кини олоҕун, спорка ситиһиилэрин туһунан сырдык ахтыылар, истиҥ тыллар этилиннилэр. Бу туһунан сиһилии манна киирэн ааҕыҥ: https://berdlib.saha.muzkult.ru/news/139743019 🔸Иккис чаас: Үөрүүлээх наҕараадалар уонна истиҥ алгыстар Үбүлүөй өрөгөйдөөх чааһа «Түһүлгэ» банкетнай саалатыгар буолла. Манна биһиги киэн туттар, ытыктыыр киһибитин Горнайтан ССРС спордун бастакы маастара, тустуук, Горнай улууһун, ону тэҥэ Бэрдьигэстээх нэһилиэгин бочуоттаах олохтооҕор анаан үөрүүлээх наҕараадалааһын буолла. Константин Васильевичка «Кировскай нэһилиэгин бочуоттаах олохтооҕо», «Бэрдьигэстээх нэһилиэгин сайдыытыгар кылаатын иһин», «Саха Өрөспүүбүлүкэтин тыатын хаһаайыстыбатын бэтэрээнэ» уонна «Саха Өрөспүүбүлүкэтин физическэй культууратын уонна спуордун бэтэрээнэ» диэн бочуоттаах бэлиэлэринэн наҕараадаланна. 🔹Бу күн Константин Васильевичка элбэх истиҥ алгыстар, үтүө тыллар этилиннилэр. Кини олоҕун устата Саха сирин спордун сайдыытыгар, ыччаты иитиигэ киллэрбит кылаата олус улахан. Кини холобура кэлэр көлүөнэҕэ үтүө холобур буолар. Константин Васильевичка өссө төгүл үбүлүөйүнэн эҕэрдэлиибит! Чөл туругу, дьолу-соргуну, уһун үйэни баҕарабыт!🥳🥰🤗👏👏👏