Горнайга көрбөттөр уонна мөлтөхтүк көрөр уопсастыба тэриллибитэ 75 сылын бэлиэтээтэ
Горнайга көрбөттөр уонна мөлтөхтүк көрөр уопсастыба тэриллибитэ 75 сылын бэлиэтээтэ ✨✨Алтынньы 15 күнүгэр П.Д Аввакумов аатынан Киин библиотекаҕа үбүлүөйдээх сылы көрсөр киэҥ хабааннаах тэрээһин ыытылынна. 👩⚕️👨💻Күн бастакы аҥаарыгар доруобуйаларынан хааччахтаах дьоҥҥо пенсионнай фонд, социальнай көмүскэл сүрүн исписэлиистэрэ уонна улуустааҕы киин балыыһа быраастара, эмчиттэрэ үлэлээтилэр. 👏👏💐Үөрүүлээх күҥҥэ улуус баһылыга Никита Андреев, нэһилиэк баһылыга Алексей Аргунов уо.д.а үтүө тылларын эттилэр, Махтал суруктары үөрүүлээх быһыыга-майгыга туттардылар. Бу историческай тэрээһиҥҥэ улууска уопсастыбаны аан бастакынан тэрийбит, өр сыл салайбыт Аҕа дойду Улуу сэриитин бэтэрээнэ Прокопий Яковлевка аналлаах быыстапка турда. Улуус, өрөспүүбүлүкэ сайдыытыгар сүҥкэн кылааттаах, тумус туттар биир дойдулаахтарбытыгар, кинилэр дьиэ кэргэттэригэр толору дьоллоох олоҕу, үрдүктэн үрдүк ситиһиилэри баҕарабыт. "Үлэ күүһэ" сонуннара