🎭Бүгүн, от ыйын 6 күнүгэр, СӨ култууратын туйгуна, “Гражданскай килбиэн” туһааннааҕа,... — 6 июля 2026 г. в 06:26:10.806
🎭Бүгүн, от ыйын 6 күнүгэр, СӨ култууратын туйгуна, “Гражданскай килбиэн” туһааннааҕа, СӨ култууратын уонна ускуустубатын бочуоттаах үлэһитэ, Сунтаар, Ньурба улуустарын, Түбэй Дьаархан, Акана нэһилиэктэрин бочуоттаах олохтооҕо, Ньурба тыйаатырын төрүттэспит аҕа табаарыспыт Сафронов Фрументий Петрович 85 ытык сааһын туолла. Фрументий Петрович, Эйигин Ньурбатааҕы судаарыстыбаннай көһө сылдьар драматическай тыйаатыр кэлэктиибин аатыттан дьоһуннаах үбүлүөйгүнэн истиҥник эҕэрдэлиибит! Күөх Ньурба Үөдэйигэр Айыылартан ананан Айыллыбыт уран саха, Айар дьоҕуру утумнааҥҥын, Алта уон сыл анараа өттүгэр Ньурба тыйаатырын саҕалааччылартан Биир чаҕылхай уоланнара Айар суолгун саҕалаабытыҥ! Эн айбыт Нагульновыҥ,Айаалыҥ, Ширижигиҥ,Байылыҥ, Түптүр хараҥ уонна Манчаарыҥ Саха көрөөччүтүн сүрэҕин долгуппута, Өйүгэр-санаатыгар хаалбыта. Сүҥкэн кылаатыҥ биҺигини кынаттыыр, БиҺирэбили-ытыктабылы үөскэтэр. Барҕа махталбытын тиэрдэбит, Тыйаатыргын умнубакка өрүү бииргэ буоларгар. Айбыт Айыыларыҥ Алгыстаах арчыларынан Тус бэйэҥ өрүүтүн Тулхадыйбат туруктан! Эн тэлбит суолгунан оҕолоруҥ, сиэннэриҥ Үрдүктэн үрдүк кирбиилэргэ дабайан тахсан истиннэр! Ньурба тыйаатырын, саха норуотун култуурата сайдыытыгар дьоһун кылаатын киллэрбит айар куттаах ытык киһибит Фрументий Петрович, өрүү бүгүҥҥүҥ курдук күлэ-үөрэ, чэгиэн сылдьаргар баҕарабыт!