🎭Бүгүн, балаҕан ыйын 25 күнүгэр, Ф.Г.Сафронов аатынан Ньурбатааҕы киин бибилэтиэкэ «Мо...
🎭Бүгүн, балаҕан ыйын 25 күнүгэр, Ф.Г.Сафронов аатынан Ньурбатааҕы киин бибилэтиэкэ «Модельнай бибилэтиэкэ» диэн статуһу сүкпүт үөрүүлээх тэрээһинэ буолла. 🎭Бу бэлиэ түгэҥҥэ Ньурба тыйаатырыттан дириэктэр Анна Багмет,сүрүн администратор Алена Егорова, СӨ норуодунай артыыһа Борис Борисов сылдьан бибилэтиэкэ кэлэктиибин эҕэрдэлээтилэр. 🎭Ньурба тыйаатырын кэлэктиибэ Ф.Г.Сафронов аатынан Ньурбатааҕы киин бибилэтиэкэ бары үлэһиттэрин эҕэрдэлиир. 📚Эһигини өссө биир улахан ситиһиигитинэн, суолталаах кэскиллээх түгэнинэн – Модельнай бибилэтиэкэ аһыллыытынан итиитик-истиҥник эҕэрдэлиибит! 📚Бибилэтиэкэ – ийэ тылбыт, култуурабыт уонна духуобунаспыт уйата,үйэлээх үөрэх-билии уйгулаах кыһата буолар. Бу ураты бырайыагы олоххо киллэрбит, күүс-көмө буолбут бары дьоҥҥо дириҥ махталы тиэрдэбит! Ф.Г.Сафронов аатынан Ньурбатааҕы модельнай бибилэтиэкэ саҥа кэм ирдэбилинэн уларытыллан, аныгы технологиянан толору хааччыллан, олохтоох дьоҥҥо, ыччакка уонна оҕолорго айар кут, билии уонна сайдыы ураты киинэ буоларыгар баҕарабыт! Бибилэтиэкэ үлэһиттэригэр айымньылаах үлэни, элбэх көхтөөх ааҕааччылары уонна ситиһиилэри!