🎭Алтынньы 16 күнүгэр К. Д. Уткин аатынан Норуоттар доҕордоһуулара түмэлгэ Саха Өрөспүү...
🎭Алтынньы 16 күнүгэр К. Д. Уткин аатынан Норуоттар доҕордоһуулара түмэлгэ Саха Өрөспүүбүлүкэтин бэчээтин туйгуна, Ньурба улууһун бочуоттаах олохтооҕо, Бэчээт историятын түмэлин төрүттээччи Фекла Гурьевна Петрова үбүлүөйдээх 90 сааһыгар аналлаах быыстапка арыллыыта буолла. 🎭 Быыстапкаҕа Фекла Гурьевна тэрийбит Бэчээт историятын түмэлин пуондатыттан Ньурба устуоруйатын кэрэһэлиир сэдэх хаартыскалар, ыстатыйалар уонна альбомнар көрдөрүүгэ тураллар. Биир альбому Фекла Гурьевна Ньурбаҕа үлэлээбит иккис судаарыстыбаннай колхуоһунай уонна быйыл тэриллибитэ алта уон сылын туолбут көһө сылдьар тыйаатырга анаан оҥорбутун олус сэргии, сөҕө көрдүбүт. Фекла Гурьевна бу альбомугар тыйаатыр артыыстарын хаартыскаларын, ыстатыйалары уонна тыйаатырга үлэлээбит дьон туһунан информацияны хомуйан киллэрбит. СӨ норуодунай артыыһа Борис Борисов быыстапка аһыллыытыгар Фекла Гурьевнаҕа анаан иһирэх санаатын, эҕэрдэтин тиэрдибитэ. Бар дьоммутун К. Д. Уткин аатынан Норуоттар доҕордоһуулара түмэлгэ турар олус интэриэһинэй, ураты быыстапканы көрөргүтүгэр ыҥырабыт. 💐 Ытыктабыллаах Фекла Гурьевна, Ньурбатааҕы судаарыстыбаннай көһө сылдьар драматическай тыйаатыр кэлэктиибин аатыттан Эйигин 90 сааскын туолбуккунан эҕэрдэлиибит уонна оройуон сайдыытыгар киллэрбит кылааккын сыаналыырбытын биллэрэбит, махталбытын тиэрдэбит! Доруобайдык, өссө да айа-тута, тулалыыр дьонуҥ тапталыгар уйдаран уһуннук олороргор баҕарабыт. Чугас дьонуҥ сылаас сыһыаннара, дьон-сэргэ ытыктабыла эйигин мэлдьи арыаллаатын, күүскэр күүс эптин. ✨🙌🙌