🍂Үгэс буолбуттуу сылын ахсын ыытыллар "Ньурба көмүс күһүнэ" литэрэтиирэ уонна поэзия б...
🍂Үгэс буолбуттуу сылын ахсын ыытыллар "Ньурба көмүс күһүнэ" литэрэтиирэ уонна поэзия бэстибээлэ саха бастакы уонна бастыҥ поэтессата Варвара Потапова тэлгэһэтиттэн саҕаланна. Быйыл талааннаах биир дойдулаахпыт үбүлүөйдээх 80 сыла. Ону тэҥэ дьүөрэлээн, билиҥҥи кэм поэтессата, Маалыкайтан төрүттээх Саргылаана Стручкова кинигэлэрин сүрэхтэниитэ буолан ааста. Салгыы дьоһун-мааны дьонноох,ыалдьытымсах Дьиикимдэ нэһилиэгэр олохтоох бибилэтиэкэҕэ Ньурбалартан бастакы уонна соҕотох ССРС суруйааччыларын сойууһун чилиэнэ,прозаик,суруналыыс Степан Федотов аата иҥэриллэр үөрүүлээх бэлиэ күнэ тосхойдо. Дьөттүн алааһыгар "Ньурба уоттара" айар куттаахтар түмсүү дэгиттэр талааннаах поэта Гаврил Монастырев-Уйусхаан кинигэтин сүрэхтэниитэ буолла. Бэстибээли түмүктүүр тэрээһин Ньурба куоракка Олоҥхо дьиэтигэр Александр Александров-Сахса Тар 60 сааһын туолар дьоро киэһэтэ буолан ааста. 📌Сиһилии Ньурба көмүс күһүнүн туһунан таһаарыахпыт. Людмила Никитина хаартыскаҕа,видеоҕа түһэриилэрэ 📸 Түмэл пресс-сулууспата @nyurba_museum