🎭🍁Балаҕан ыйын 10 күнүгэр Антоновка нэһилиэгэр 🍂 «Ньурба көмүс күһүнэ — 2026» саҕала...
🎭🍁Балаҕан ыйын 10 күнүгэр Антоновка нэһилиэгэр 🍂 «Ньурба көмүс күһүнэ — 2026» саҕаланна. Александра Яковлевна Овчинникова аатынан култуура киинигэр «Кыраһа суһумнара» литературнай түмсүү 35 сыллаах юбилейыгар ананан ыытыллыбыт тэрээһиҥҥэ Саха Өрөспүүбүлүкэтин үтүөлээх уонна норуодунай артыыһа, славянскай суругу-бичиги, култуураны, духуобунаһы сайыннарыыга, Саха сирин элбэх омуктаах норуоттарын сомоҕолооһуҥҥа кылаатын иһин СӨ Аҕа Баһылыгын Кирилл уонна Мефодий ааттарынан бириэмийэтин лауреата Борисов Борис Иванович кытынна. Уус-уран ааҕыы маастара Борис Иванович Ньургуйаана Матвеева салайар «Айуу, чэ» театральнай студия кыттыылаахтарын, Антоновка орто оскуолатын үс тохсус кылаастарын үөрэнээччилэрин ыккардыгар ыытыллыбыт олохтоох бэйиэттэр хоһооннорун ааҕыыга күрэхтэрин дьүүллүүр сүбэтигэр үлэлэстэ, «Кыраһа» түмсүү талааннаах поэтессата Лидия Дмитриевна Степанова «Кыһыл сурааһын» кинигэтин биһирэмигэр сырытта. 🎭🍁Ньурбатааҕы судаарыстыбаннай көһө сылдьар драматическай тыйаатыр кэлэктиибин аатыттан «Кыраһа суһумнара» литературнай түмсүү бары кыттааччыларын эҕэрдэлиибит! 🎭🍁Ньурба тыйаатырын кытта бииргэ үлэлэспит «Кыраһа» түмсүү киэн туттар дьонугар Хорулаттан төрүттээх Николай Дмитриевич Семеновка — Чөккүккэ, талааннаах поэтессаҕа Ольга Васильевна Софроноваҕа — Ольга Суһумҥа, Александр Петрович Александровка – Сахса Тарга уонна айар куттаах дьоммутугар дириҥ махталбытын тиэрдэбит. 🎭🍁Айар аартыккыт кустугун араас дьүрүскэнэ, уһун, киэҥ суолунан айанната ,Айар дьоҕургут арылла туруохтун! Видео-«Кыраһа суһумнара» литературнай түмсүү