🎭Ытыктабыллаах Афанасий Иванович!🎭
🎭Ытыктабыллаах Афанасий Иванович!🎭 Ньурба тыйаатырын кэлэктиибэ Эйигин, Саха Өрөспүүбүлүкэтин үтүө аата Аан дойдуга арҕарарын туһугар үгүс сыратын, өйүн уурбут судаарыстыбаннай диэйэтэли, түөрэҕиң түспүт төлкөлөөх күҥҥүнэн, 6️⃣0️⃣ сааскынан уруйдуубут, айхаллыыбыт! Дьону-сэргэни кэрэҕэ көҕүлүүр дьоһуннаах дьоҕургунан киэн туттан туран, Эн сырдык баҕаң, сыралаах үлэң үтүѳ түмүктэригэр тэңңэ үѳрэбит, кэрэхсэллээх үлэҕин сэргиибит, биһириибит. Айымньылаах үлэҕэр кэлэр да кэмнэргэ ситиhии сиэттистин, хайҕал ханыыластын, билинии билистин, үѳрүү үмүѳрүстүн, сэңээрии сэлэлээтин диэн сахалыы алгыспытын аныыбыт! Чэгиэн, дьоллоох буол! Ытыктыыр, убаастыыр киҺибитигэр баҕарабыт хабараан тымныыга ымыттыбат, хахсаат тыалга хаарыйтарбат кытаанах, чэгиэн-чэбдик доруобуйаны, дьол сымсаабат амтанын, кэрэҕэ, сырдыкка уостубат умсулҕаны, эдэрдии эйэҕэс сүрэҕи, элэйбэт эрчими, бары үчүгэйи, ырааҺы-кэрэни! Үрдүк үтүө аатыҥ Үйэттэн үйэҕэ диэри Үрүҥ күн анныгар Өһүккэ-омукка үргүлдьү сүүрэн Өс хоһоонугар киириэхтин! Ньурбатааҕы судаарыстыбаннай көҺө сылдьар драматическай тыйаатыр кэлэктиибэ