Специальная библиотека РТ для незрячих и слабовидящих
Образование · 26 июля 2026 г.
| ЧОГААЛЧЫ БОЛГАШ НОМЧУКЧУЛАР | — 26 июля 2026 г. в 04:11:05.438
| ЧОГААЛЧЫ БОЛГАШ НОМЧУКЧУЛАР | 💥Чаштар оранынга ужуражыышкын 📢Кайгамчыктыг салым-чаяанныг, чогаалдарны уругларга таарыштыр уран-чечен бижиир чогаалчы Александр Сан-оолович Шоюн-биле ужуражылга чаштар оран-савазы – Каа-Хем суурнуң төпчүткен ном саңынга болуп эрткен. Александр Шоюн – тыва парлалганың хоочуну. Ол Москвада Б. Щукин аттыг театр институдунга өөренип тургаш-ла, республика солуннарынга сургуул өөрлериниң дугайында материалдарны доктаамал бижип турган. Училищени 1978 чылда дооскаш, тыва театрга артист болуп ажылдап эгелээн. Оон театрга режиссёрнуң дузалакчызынга, чогаадыкчы бөлүктүң эргелекчизинге ажылдаан. Ол 1983 чылда республиканың “Тываның аныяктары” солуннуң корреспондентизинге ажылдап кирген. Оон эгелээш-ле ол амыдыралын тыва парлалгага тураскааткан. Александр Шоюн – республиканың “Сылдысчыгаш” уруглар солунун катап тургускан кол редактор. Оон “Шын” солуннуң, “Башкы” сеткүүлдүң кол редакторунга ажылдаан. Амгы үеде бодунуң тургузуп алганы уругларга “Алдын-Кушкаш”, “Салгынчыгаш” база “Алдын Эртине” ном үндүрер черниң кол редактору болуп ажылдап чоруур.