ГОСПАБЛИК МБОУ "Чурапчинская гимназия им. С. К. Макарова"
Образование · 5 мая 2026 г.
Оҕо төрөөбүт тылынан ааҕарын көҕүлүүр “Төрөөбүт тыл биһигэ” кииҥҥэ «Уостан түспэт номо... — 5 мая 2026 г. в 15:46:28.135
Оҕо төрөөбүт тылынан ааҕарын көҕүлүүр “Төрөөбүт тыл биһигэ” кииҥҥэ «Уостан түспэт номохтор» өбүгэ үһүйээннэрин, номохторун уус-ураннык кэпсиир күрэс улууспутугар бастакытын ыытылынна. 5,6,7,8 кылаас үөрэнээччилэрэ икки бөлөххө арахсан кыттыыны ыллылар. Дьүүллүүр сүбэҕэ үлэлээтилэр: Дария Пантелеймоновна Егасова – Саха Республикатын култууратын туйгуна, улуустааҕы киин библиотека исписэлииһэ; Иван Иванович Бушков – П. М. Решетников аатынан Чурапчытааҕы норуодунай театр режиссера, Саха Республикатын култууратын үтүөлээх үлэһитэ, бэрэссэдээтэл; Айылгы Муосчут кыыһа Пинигина – Саха Республикатын култууратын туйгуна, оройуоннааҕы “Айылгы” норуот айымньытын дьиэтин иһинэн үлэлиир улуус уран уустарын түмэр “Ай” норуот студиятын салайааччыта. Күрэс түмүгэр гимназия оҕолоро инники күөҥҥэ таҕыстылар. 1кы бөлөххө (5-6кыл) 1миэстэ 🥇 Гурьев Сеня, 6а кыл. 2 миэстэ 🥈Макарова Айыына Куо, 6а кыл. Неустроева Мичийэ Хорсун кыыс Ньырбачаан туһунан сонуннук кэпсээбитин, көстүүмүн оҥостубутун бэлиэтээтилэр👏👏👏 2с бөлөххө (7-8кыл.) 2 миэстэ 🥈Поисеев Миша (7а кыл.) Оҕолору С.Н. Гоголева бэлэмнээн кытыннарда. Тэрийээччилэр "Бары кыттыбыт оҕолорго, учууталларга махталбытын тиэрдэбит! Төрөөбүт дойдубут номохторун, үһүйээннэрин өссө үөрэтэн, ааҕан, саха саҥатын сайыннара, кэпсии-ипсии, билиһиннэрэ сылдьаргытыгар баҕарабыт", - диэн үтүө тылларынан бу сонун тэрээһин түмүктэннэ