ГУК «Агинская краевая библиотека им.Ц. Жамцарано»
Образование · 30 октября 2026 г.
Үнэгэнэй hүүлээр эльбэхэ.
Үнэгэнэй hүүлээр эльбэхэ. Букв. Лисьим хвостом гладить. ~ Мягко стелет - жестко спать. Мягко обращаться с последующими (скрытыми) жесткими требованиями. ...Хүбэн зөөлэхэнөөр Самбуу лама Жалмада хандаха зуураа, үнэгэнэй hүүлээр эльбэжэ байhандал, уриханаар хоёр яhан гараараа, тэрэнэй ээм мүрыень өөдэнь татаба. (Д. Батожабай. Төөригдэhэн хуби заяан). Та, Мүнхэ баабай, холо ойрогүй ябахада ябаhан, үзэхэдэ үзэhэн, үхэрэй хэлээр долёолгоhоншье, үнэгэнэй hүүлээр эльбүүлhэншье хүн гээшэт. (Б. Санжин, Б.Дандарон. Заяанай зам). Xироко: Үнэгэн шэнги зөөлэхэнөөр эдэ монголшуудай нюур ута hүүлээрээ эльбэжэ, мори харыень абахадаа, али болохо аргаар мүнгэ зөөри түлэжэ байгаад, байра байдалаа бүхэ болгохо ёhотойбди. (Д. Батожабай. Шара луугай эсэс). Би хамагhаа дээрэ сэсэн хүм гэжэ ши өөрөө хэнhээшье шангаар хашхардаг лэ байхаш. Энэмнай үнэгэн hүүлээр шарбалга байшоол даа. (Ч. Цыдендамбаев. Банзарай хүбүүн Доржо). Үдэрhөө үдэртэ, hapahaa hарада, жэлhээ жэлдэ Б. Ельцинэй, В. Черномырдинэй политика хүн зониие найдуулhан хооhон үгэ болоод дүүрэнэ. Буряад арадай сэсэн мэргэн үгэ газаагуур ошоногүй: үнэгэнэй hүүлээр эльбээд, үхэрэй хэлээр долёобо. Мүнөө зон xoohoop зобоно, салин пенси сагтаа гаранагүй. (Б Бирбаев. Буряад үнэн. 10 11.1995). Т.Б.Тагаровагай «Фразеологический словарь бурятского языка» гэжэ номhоо. Манай каналда орогты: https://max.ru/id8001010197_gos