ГУК «Агинская краевая библиотека им.Ц. Жамцарано»
Образование · 31 октября 2026 г.
Амаралтын үдэрнүүдые аятай зохидоор үнгэргыт!
Амаралтын үдэрнүүдые аятай зохидоор үнгэргыт! Сетевой маркетинг Элдэб янзын үйлэдбэри Энэ тэрээгүүр зарладаг Эхэнэрнүүд hүүлэй үедэ Элбэг болоо даа, ум маани. Нүхэрни намда мэнэ мэнэ Нюуса юумэ харуулhаншуу, Нанотехнологи гэжэ байгаад Нюдэеэ бэлтылгэн харуулагша. Хаанашье үгы, гансал эндэ Хубсаhа сэбэрээр угаадаг, Хоер мянгата порошок абаад Хамарайм үhэ үрзылгэбэ. Хамагые арюунаар аршадаг, Холын Ямайкада гаргадаг, Хэдэн янзын тряпханууд Халуухан зүрхыем эзэлэнхэй. Тээсгэн гэртээ ерэхэдэм, Тойроод столдо hамгад, Тетрадь гуурhа бариhанууд Тоолохонь, зурахань аргагүй. Табан хүниие дороо бэшээд, Танил нүхэдөө оруулаад, Татабари пенсидээ нэмышэ, Ты че сидишь-ажал хышэ! Дээдэхи даргамнай залуухан Дубай-да яхтатай, самоледтай. Дуулахадам иимэшүү ярилдаан, Дууhахал үгышүү хэбэртэй. Уураг тархи hоноржуулдаг, Уушха эльгэ сэбэрлэдэг, Үбшыетнай өөрөө олодог Универсальна эмээ хөөрэбэ. Аргашан гэжэ hанаhамни, Агроном ябаhамни гэхэдэнь, Асуудални хиидэ тогтошоод, Аман соомни хаташаба. Хубсаhа хунарhаань хамаагүй, Хашуулаад абажа болохоор, Хүниие аргалдаг эм зарлахаа Хаанаhаа ухаандань ороноб даа. Мүнөөхи үглөөгүүр уулгуулдаг Монсогор гонзогор эмүүдынь, Нанатехнологиин бэшэ аабза Нюусыень яажа таахам даа. Б. Базаргуруев.