Ахча сурии. Кiзiнiң пенсияа чыған ахчазы пiр пенсия чыындызынаң пасха пенсия чыындызынз... — 13 августа 2026 г. в 04:13:42.869
Ахча сурии. Кiзiнiң пенсияа чыған ахчазы пiр пенсия чыындызынаң пасха пенсия чыындызынзар закон хыйыстыра ызылған полза, ниме идерге? Пенсияа чыған ахчаны чарғы чох арачылап Пенсияа чыған ахча ээзi чарадии чох Россияның социальнай фондынаң (СФР) хазнани нимес пенсия чыындызынзар (НПФ) алай пiр НПФ-таң пасхазынзар ызылған полза, финанстар уполномоченнайынзар тикке айланыс ызарға кирек. Финанстар уполномоченнайы сiрерге алнындағы хайди даа пенсия страхованиезiнҷе страховщикке айландырарға полызар: – пенсияа чыылған ахчаны паза оларның инвестициязынаң палғалыстығ пасха даа ахчаны; – пенсияа чыылған ахчанаң право сайбап тузаланған ӱчӱн проценттернi. ❓Пенсия чыындызы хайда хайраллалчатханын хайди пiлiп аларға? Кiзiнiң пенсия чыындызы хайда хайраллалчатханын хайдағ даа туста сыныхтаҷаң оңдайы пар, кӧзiдiмге, «Хазна полызығлары» порталда. Пос кабинедiнзер кiрiп, пос счёдының оңдайынаңар выписканы чахыбызарға – анда пенсияа чыған ахчаның хайраллалчатхан орны, хайди даа пенсия страхованиезiнҷе амғы страховщиктiң ады полар. ❓Хайди финанстар уполномоченнайынзар айланарға? Кiзiнiң пенсияа чыылған ахчазы ээзi чарадии чох СФР-даң НПФ-сар алай ба пiр НПФ-таң пасхазынзар ызылғанын пiлiп алған полза паза олох туста: – сiрерге пенсияа чыылған ахчадаң ам даа чыылған пенсияны пӱкӱлее, тузынҷа тӧлелер пенсия тӧлеглерi алай пiр хати пирiлер пенсия тӧлее турғызылбаан полза; – сiрер праволарың сайбалғаннаңар пiлiп алған алай пiлiп аларға кирек полған кӱннең ӱс чылдаң кӧп иртпеен полза. ❓Постың правозын нааҷылир ӱчӱн ниме идерге кирек? ✅ Сiрерге талас сығысхан НПФ-сар сайбалған правоны (претензияны) хатап айландырардаңар сурыныс пiчиин ызарға. НПФ нандырығны тузында ызарға кирек: – 20 тоғыс кӱн аразына, сынап сiрер сурыныс пiчиин финанстар уполномоченнайының сайтында турғызылған стандарт кӧрiмнiг электроннай оңдайҷа ысхан ползаңар паза сiрернiң праволарың сайбалған кӱннең сығара 180 кӱннең артых иртпеен полза; – пасха оңдайларда 40 кӱн. ✅Финанстар уполномоченнайына айланыс ызарға, сынап НПФ алған чарадығнаң чараспинчатсар алай кӧрiлген тусха нандырығ албаан ползаңар. Айланысты ызарға чарир: – финанстар уполномоченнайының сайтындағы (finombudsman. ru) алай «Хазна полызығлары» порталдағы пос кабинедiнде электроннай кӧрiмде; – Хакасияның МФЦ-зы пастыра; – чаҷын пiчiкнең пу адресче: 119017, Москва г., Старомонетнай пер., 3 , «СОДФУ» АНО. Финанстар уполномоченнайы хайди даа пенсия страхованиезiнеңер чӧптезiгде паза страховщиктi алыстырардаңар сурыныс пiчиинде сiрернiң хол салғанын сыныхтир. Сыныхтағ иртiрер ӱчӱн сiрерге финанстар уполномоченнайына хол салғанының кӧзiдiмнерiн паза пiчiктернi пирерге кирек полар. Сiрер амғы хайди даа пенсия страхованиезiнеңер чӧптезiг идiлбееннеңер НПФ-наң хада чӧптезiг иткен ползаңар, сiрерге iдӧк пенсияа чыылған ахчаны хайди даа пенсия страхованиезiнҷе алнындағы страховщикке нандыра айландырар киректi тоозар ӱчӱн финансовай уполномоченнайзар айланарға кирек. ✅Финанстар уполномоченнайының чарадиин алыңар. Финанстар уполномоченнайының чарадии iдӧк Россияның социальнай чыындызынзар паза хазнани нимес пенсия чыындызынзар ызылар. Чарадығ кӱзiне кiрген соонаң 30 кӱннең орай нимес НПФ аны хайди даа толдырарға кирек. Социальнай чыынды НПФ финанстар уполномоченнайының чарадиин толдырған салтарлары хоостыра хайди даа пенсия страхованиезiнҷе страховкалығ кiзiлернiң пiрге реестрiне алызығлар кирче. Аның соонаң сiрернiң пос счёдының оңдайынаңар выпискада пенсияа чыған ахча айландырылған страховщик хайди даа пенсия страхованиезiнҷе амғы страховщик чiли кӧзiдiлер (пенсияа чыған ахча законны сайбап сiрернiң чарадииңар чох ызылған СФР алай НПФ). Толдыра искiрiгнең finombudsman.ru сайтта «Пiлiстер базазы» чардыхта танызып аларға чарир. Автор: Россияның финанстар уполномоченнайының службазы