Город кӱнi-2026. Ирткен чечiмеде республиканың ӧӧн городы пайрамнығ 95 чылын таныхтаан — 12 августа 2026 г. в 06:03:45.613
Город кӱнi-2026. Ирткен чечiмеде республиканың ӧӧн городы пайрамнығ 95 чылын таныхтаан АҒБАНДА, ПIР СӦБIРЕ ЧIЛИ, АЙМАХ ЧОН ЧУРТАПЧА Ӧткiннерге уйғу чоғыл Чон чидiкпин сахтаан ӱлӱкӱн айас кӱннең пасталған. Тигiрде арали пулуттар кӧрiнгеннер. Синоптиктер иирзер наңмыр чаарын молҷааннар. Андағ даа полза, чон ӱлӱкӱннi улуғ ӧрiнiснең удурлаан. Город чуртағҷылары паза аалҷылар иртенӧк Культура паза тынағ паркынзар чол тутханнар. Чуртағҷыларға анда аймах ачыхтар тоғынып пастааннар. Че хай пiрее ӱтертiстiг мероприятиелер кӱнӧрте пасталғаннар. Кибiр хоостыра Город кӱнiн спортнаң айғасчатхан улус асхан. Анзы тиктең нимес. Чыл сай пiстiң хазнада орғах айының iкiнҷi чечiмезiнде Физкультурник кӱнi таныхталча. Аннаңар спортнаң айғасчатхан улус иртенӧк Ағбан городтың Н.Г.Булакиннiң адынаң спорт комплексiнiң кистiндегi футбол чазызында инструкторларнаң хада аймах упражнениелер идiп пастапчалар. Теелбектенерге хынчатхан ӧткiн ипчiлер Екатерина Нечаеванаң хада зумба теелбек фитнезiн толдырғаннар. Олғаннарға даа алынҷа теелбек фитнезi тоғынған. Спортнаң айғасчатхан сӧбiрелер анда хынып араласханнар. Толдыразынаң сайтта хығырыңар: https://www.khakaschiry.ru/news/detail.php?ID=14938