сыллата ыытыллар оскуолатааҕы «Явловские чтения» кэмпириэнсийэ үбүлүөйгэ аналлаах уонна...
сыллата ыытыллар оскуолатааҕы «Явловские чтения» кэмпириэнсийэ үбүлүөйгэ аналлаах уонна да атын элбэх тэрээһин буолара былааннанар. Ахсынньыга оскуолабыт 95 сыллаах үбүлүөйүгэр аналлаах үөрүүлээх тэрээһинэ ыытыллыаҕа. 🔰Оскуола-уһуйаан Этиллибитин курдук үбүлүөйдээх сылбытыгар улахан уларыйыы киирдэ. Ол курдук оскуолабыт «Кэнчээри» уһуйааны кытта холбоһорун туһунан (реорганизация) докумуоннарын оҥосто сылдьабыт. Тэрилтэлэрбит ааттара, эбийиэктэрэ оннунан хаалаллар, оскуола устаабыгар, оскуола иннинээҕи үөрэхтээһин бырагыраамата киирэн, уопсай үөрэхтээһин тэрилтэтэ диэн буолабыт. Саҥа оскуолабыт уһуйааны кытта холбоһон биир дьиэ тутуллуохтааҕа былааннаммыта ыраатта, онон, үөрэхтээһин тэрилтэлэр холбоһуулара үчүгэйгэ, саҥа оскуолабыт эбийиэгэ түргэнник тутулларын суола диэн улахан эрэллээхпит. Ол эрэн, биир тэрилтэ буоларбытынан үлэ каадырыгар кыралаан сарбыллыы барар. Биир салайааччы баар буолар. Оҕо саадын сэбиэдиссэйэ, оскуола иннинээҕи үөрэхтээһин чааһыгар дириэктэри солбуйааччы диэн дуоһунаска хаалар. Маннык дьаһал оҕо ахсаана аҕыйаҕыттан, демография чарааһыырыттан таҕыста. Бу күн уһуйааҥҥа 9 эрэ оҕо сылдьар. Ол эрэн саҥа олох тэтиминэн, санаабытын түһэрбэккэ, уларыйыыттан куттаммакка, иннибит хоту барабыт, хас биирдии иитиллээччи, үөрэнээччи инникитин туһугар үлэлиибит-хамсыыбыт, дойдубут туһугар туруулаһабыт. Саргылана Кокорина @khalymadolgunnara @ulusmedia