Бөгөн мәктәптә иң йылы һәм тәмле байрамдарҙың береһе — Ашнаҡсылар көнө билдәләп үтелде.

Бөгөн мәктәптә иң йылы һәм тәмле байрамдарҙың береһе — Ашнаҡсылар көнө билдәләп үтелде. Уҡыусылар ашхана хеҙмәткәрҙәренә концерт әҙерләне. Йырҙар, шиғырҙар һәм ихлас теләктәр — былар барыһы ла көндәлек хеҙмәтебеҙҙе яҡтыртҡан кешеләргә рәхмәт белдереү өсөн ине. Шулай уҡ мәктәптә «Рәхмәт почтаһы» эшләне: балалар ашнаҡсыларға үҙ ҡулдары менән яҙылған рәхмәт хаттарын яҙҙылар. Һәр хатта — йылы һүҙҙәр, ихлас рәхмәт һәм ихтирам. Ҡәҙерле ашнаҡсыларыбыҙ! Һеҙҙең хеҙмәтегеҙ баһалап бөткөһөҙ. Һәр иртә беҙҙе тәмле ризыҡтар менән ҡаршылауығыҙ, һаулыҡлы һәм туҡланыулы ашарға әҙерләүегеҙ өсөн ҙур рәхмәт! Байрам менән!