Бэс ыйын 1 күнэ, Оҕо көмүскэлин күнэ, Таатта улууһугар бэрт тэрээһиннээхтик ыытылынна. ... — 2 июня 2026 г. в 07:14:57.995
Бэс ыйын 1 күнэ, Оҕо көмүскэлин күнэ, Таатта улууһугар бэрт тэрээһиннээхтик ыытылынна. Бу күн уһуйааммыт оҕолоро, элбэх үөрүү-көтүү аргыстаах тэрээһиннэргэ кыттыстылар. "Дьулуруйар Ньургун Боотур" стадиоҥҥа оскуолалар уонна уһуйааннар параадтара, Олоҥхо дойдутун оонньууларынан саҕаланна. Улуус баһылыга Айаал Бурцев кэлбит оҕолору, төрөппүттэри эҕэрдэлээтэ уонна бырааһынньыкка кыттыста. Оҕолор "Дьоллоох оҕо саас" флешмоб үҥкүүнэн киэргэттилэр. Бэлэмнэнии бөлөх оҕолоро "Дьулуруйар Ньургун Боотур" олоҥхоттон быһа тардан толордулар. Ону тэҥэ "Сардаҥалаах татыйыктар" өрөспүүбүлүкэтээҕи күрэс ыытылынна. Ф. Охлопков аатынан сынньалаҥ пааркатыгар оҕо-аймах айар кутун уонна дьоҕурун арыйар кэрэ-бэлиэ күн буолан ааста. Бу күн паарка иһигэр ырыа-тойук дуораһыйа ылланна, үҥкүү-битии тэрилиннэ, дьикти уруһуй уонна оҥоһук быыстапката, ону тэҥэ ас-үөл дьаарбаҥката ыалдьыттары сэргэхситтэ. • ✨ Фольклор уонна Олоҥхо • ✨ Уус-уран ааҕыы • ✨ Үҥкүү уонна Вокал "Мин патриотпун" тиэмэҕэ уруһуй күрэҕэ • 🛠 "Үгэһи утумнааччылар" уус-уран оҥоһуктарга күрэстэригэр оҕолорбут ситиһиилээхтик кытыннылар. Бу күрэстэргэ Таатта, Чурапчы, Томпо улуустарыттан 500-кэ оҕо кыттыыны ылла. Сайын маҥнайгы күнүн оҕолорбут үөрэн-көтөн, дьоллоохтук уонна туһалаахтык атаардылар диэн эрэнэбит. Оҕолорбутугар, иитээччилэрбитигэр Лена Николаевнаҕа, Надежда Гаврильевнаҕа истиҥ эҕэрдэ, өссө да үрдүк ситиһиилэри! Төрөппүттэрбитигэр күүс-көмө, өйөбүл буолбуттарыгар барҕа махтал!🤗🙌🏽🎉