Уһуйааммыт кэрэ кэскилэ – Оҕо ыһыаҕа. — 2 июня 2026 г. в 06:31:05.441
Уһуйааммыт кэрэ кэскилэ – Оҕо ыһыаҕа. Ыам ыйын 29 күнүгэр уһуйааммытыгар кэрэ, умнуллубат Оҕо ыһыаҕа буолан ааста. Бу ыһыах биһиги кырачаан оҕолорбутугар саха омук ытык үгэстэрин, сиэрин-туомун иҥэрэргэ, төрүт култукрабытын таптыырга үөрэтэргэ анаммыт тэрээһин буолла. Ыһыах буруолатыы сиэригэр олоҕуран саҕаланна. Саамай кыра бөлөх оҕолоро сахалыы таҥастарын кэтэн төгүрүччү хааман көрөөччүлэр биһирэбиллэрин ыллылар. Уһуйааммыт иитиллээччилэрэ, кырачаан ымыыларбыт, бу күн бэйэлэрин талааннарын толору көрдөрдүлэр. Кинилэр олоҥхоттон быһа тардыылары, норуот ырыаларын, чабырҕахтары истиҥник толорон, сахалыы тылбыт күүһүн-уоҕун, хомуһунун дьоҥҥо тириэртилэр. Элбэх ырыа, оһуор үҥкүү ыһыах кэмигэр оҕолор үөрүүлэрин-көтүүлэрин өссө күүһүртүлэр. Ыһыах оһуохайынан түмүктэннэ. Ону таһынан, оҕолорго анаан спортивнай күрэхтэр ыытылыннылар: түргэнник сүүрүү ,миэстэттэн ыстаныы, мас тардыһыыта. Бу күҥҥэ төрөппүттэрбит сахалыы таҥнан көхтөөхтүк кыттан, оҕолорун ситиһиилэрин үөрэ-көтө көрдүлэр.🤗🙌🏽🎉