Муус устар күннэригэр уһуйааммытыгар «Кырачаан чинчийээччи» диэн ааттаах олус и... — 16 апреля 2026 г. в 08:35:53.785
Муус устар күннэригэр уһуйааммытыгар «Кырачаан чинчийээччи» диэн ааттаах олус интэриэһинэй тэрээһин буолан ааста. Биһиги кырачааннарбыт — инники күнү салайар, саҥаны арыйар, кэскиллээх дьоммут. Хас биирдии оҕо бэйэтин үлэтинэн, чинчийиитинэн кыайыыны ситистэ. Ким эрэ айылҕаны, ким эрэ космос киэҥ куйаарын, оттон ким эрэ дьиэ кыылларын туһунан чинчийэн, дьиктилээх арыйыылары оҥордулар. Бу курдук кыра эрдэхтэриттэн саҥаны билэргэ дьулуурдара, чинчийэр баҕа санаалара — олохторугар улахан тирэх буолуо диэн эрэнэбит. Оҕолорбут кыһаллан бэлэмнэммит докладтара, чинчийбит үлэлэрэ, оҥорбут макеттара — биһиги киэн туттуубут. Оҕолор бары ситиһиилээхтик кытыннылар. Ол курдук орто бөлөххө 1миэстэ-Максимов Ньургун 2 миэстэ- Чирикова Вия 3миэстэ- Винокурова Ариана Улахан бөлөххө: 1миэстэ- Постников Тима 2миэстэ-Афанасьев Айысхаан 3 миэстэ-Максимов Егор Бэлэмнэнии бөлөххө: 1миэстэ- Тарабукин Күн Өркөн 2миэстэ-Николаев Саша 3миэстэ-Осипова Рада буоллулар. Ону тэҥэ кыттыбыт оҕолор номинацияҕа тигистилэр. "Кырачаан чинчийээччилэр" доклад ааҕыытыгар дьүүллүүр сүбэҕэ библиотекарь- Маркова Акулина Корниловна, сүрүн иитээччи-Баишева Варвара Викторовна, иитээччилэр-ТуласыноваУльяна Гаврильевна, Неустроева Оксана Семеновна үлэлээтилэр. Бу үлэҕэ көхтөөхтүк кыттыбыт төрөппүттэрбитигэр, кырачааннарын өйөөбүт дьиэ кэргэттэргэ барҕа махталбытын тиэрдэбит! Кырачаан чинчийээччилэрбитигэр өссө да элбэх саҥа арыйыылары, тулуурдаах буолууну, туйгун доруобуйаны баҕарабыт. Инникитин даҕаны саҥаны арыйар аартыккыт арылла турдун!»🧐🙌🏽