🌟Сунтаар улууһун килбиэн сирэ Кириэстээх нэһилиэгин биир убаастанар мааны ыала Саргыла... — 27 августа 2026 г. в 11:07:10.471
🌟Сунтаар улууһун килбиэн сирэ Кириэстээх нэһилиэгин биир убаастанар мааны ыала Саргылана Васильевна уонна Иннокентий Петрович Намыловтар бииргэ олорбут үйэ аҥардаах өрөгөйдөөх үбүлүөйдэрэ бүгүн атырдьах ыйын 27 күнүгэр буолла. ❤️Кинилэр 1973 сыллаахха билсиһэн, сүрэхтэринэн таптаһан,1976 сыл атырдьах ыйын 27 күнүгэр Саха АССР Сунтаар оройуонун Кириэстээх сэлиэнньэтин олохтоох сэбиэтигэр ыал буолбуттара туоһуламмыт. Саргылана Васильевна Кириэстээх нэһилиэгин участковай балыыһатыгар уопсайа 40 сыл үтүө суобастаахтык үлэлээбитэ. Кини нэһилиэк бочуоттаах олохтооҕо, Саха Өрөспүүбүлүкэтин доруобуйа харыстабылын туйгуна, Сунтаар улууһун доруобуйа харыстабылын бэтэрээнэ буолар. Иннокентий Петрович "Кириэстээх" тыа хаһаайыстыбатын кооперативыгар 42 сыл таһаарыылаахтык үлэлээбитэ. Нэһилиэк бочуоттаах олохтооҕо, Саха Өрөспүүбүлүкэтин тыа хаһаайыстыбатын туйгуна уонна бэтэрээнэ буолар. 🌟Намыловтар дьиэ кэргэттэрэ Сунтаар улууһун «Кыһыл көмүс сыбаайба» бочуот кинигэтигэр киирдилэр. Дьоро күҥҥэ Саха Өрөспүүбүлүкэтин Ил Дархана А.С.Николаев анаабыт «Дьиэ кэргэн килбиэнэ» бэлиэни улуус баһылыга А.В. Григорьев туттарда. Күндү үбүлүөйдээхтэргэ өссө да уһун сылларга дьоллоохтук, чэгиэн-чэбдик олороргутугар баҕарабыт!💐💐💐 @sakhazags