*Олох уонна таптал кэрэ холобура: Кириэстээххэ Намыловтар ыал буолан олорбуттара 50 сыл... — 27 августа 2026 г. в 11:29:26.739
*Олох уонна таптал кэрэ холобура: Кириэстээххэ Намыловтар ыал буолан олорбуттара 50 сылларын бэлиэтээтилэр* 💐💐💐Кириэстээх нэһилиэгин бочуоттаах олохтоохторо, үлэ уонна олох бэриниилээх аргыстарынан буолбут Саргылана Васильевна уонна Иннокентий Петрович Намыловтар бииргэ олорбуттара 50 сылын - кыһыл көмүс сыбаайбаларын бэлиэтээтилэр. Биир үйэ чиэппэрин тухары илии-илииттэн тутуһан, олох үөрүүтүн-хомолтотун тэҥҥэ үллэстэн, үбүлүөйдээх ыал 2 оҕо күн күбэй ийэтэ, аҕата уонна 5 сиэн тапталлаах эбэтэ, эһэтэ буолаллар. Намыловтар бэйэлэрин талбыт идэлэригэр бэриниилээхтик үлэлээн, нэһилиэк сайдыытыгар үтүмэн кылааттарын киллэрбит дьон. Саргылана Васильевна доруобуйа харыстабылын туйгуна. Кини эдэркээн сааһыттан, үөрэҕин бүтэрээт, Кириэстээх участковай балыыһатыгар медицинскэй сиэстэрэнэн үлэтин саҕалаабыта. Өр сыллар устата күнү-түүнү аахсыбакка, нэһилиэнньэ доруобуйатын көрөн-истэн, үрдүк таһымнаахтык уонна эппиэтинэстээхтик үлэлээбитэ. Оттон дьиэ кэргэн баһылыга Иннокентий Петрович "Кириэстээх" сопхуос солбуллубат суотчута, нэһилиэк биир тутаах киһитэ этэ. Кини өр сылларга кылаабынай бухгалтерынан үлэлээн, сопхуос экэниэмикэтэ туруктаах буоларыгар бэйэтин билиитин-көрүүтүн биэрбитэ. Бар дьоннорун түмэр, үөрүүлэрин үллэстэр кэрэ күннэригэр ытык кырдьаҕастарга улуус баһылыга Анатолий Григорьев ыалдьыттаата. Кини үбүлүөйдээх ыалга барҕа махталын, истиҥ баҕа санаатын этэн туран, өрөспүүбүлүкэҕэ ытыктанар "Дьиэ кэргэн килбиэнэ" бэлиэни үөрүүлээх быһыыга-майгыга туттарда. Дьиэ кэргэн уйгутун уурбут, нэһилиэк туһугар олохторун анаабыт Намыловтар холобурдарыгар эдэр көлүөнэ үөрэнэр, кинилэринэн киэн туттар. Сиппит-хоппут кыһыл көмүс үбүлүөйүнэн истиҥник эҕэрдэлиибит! _Сунтаар улууһун дьаһалтатын пресс-сулууспата_