Ытыктабыллаах учууталлар, үөрэнээччилэр, төрөппүттэр — 31 августа 2026 г. в 21:57:00.732
Ытыктабыллаах учууталлар, үөрэнээччилэр, төрөппүттэр уонна билии эйгэтин бары үлэһиттэрэ! "Сунтаар улууһа (оройуона)" муниципальнай оройуон дьаһалтатын, оройуон депутаттарын Сэбиэтин уонна тус бэйэбит ааппытыттан эһигини 2026-2027 үөрэх сыла саҕаланыытынан, саҥа Билии Күнүнэн итиитик-истиҥник эҕэрдэлиибит! Бу күн – кэлэр кэскилбитин түстүүр, билии-көрүү аартыгын аһар, сырдык суолгаыҥырар дьоһуннаах бырааһынньык. Саҥа үөрэх сыла саҕаланна, оҕо-аймах оскуолаҕа босхо үөрэнэн, билии ылан, саҥа таһымҥа тахсарга бэлэмнэнэр. Күндү үөрэнээччилэр! Эһиги иннигитигэр билии киэҥ аартыга аһылынна. Хас биирдии күнү сыаналааҥ, билиилээх буоларга дьулуһуҥ, саҥаны билэргэ уонна үөрэтэргэ дьаныардаах буолуҥ. Оскуолаҕа ылбыт билиигит олоххут туллар тутааҕа буолуоҕар эрэниҥ. Ытыктабыллаах учууталлар! Эһиги – кэлэр көлүөнэни иитэр, үөрэтэр, кинилэр инники олохторун түстүүр улуу аналлаах дьоҥҥут. Эһиги муудараскытын, тулуургутун, оҕоҕо бэриниигитин билэбит уонна сыаналыыбыт. Эһиэхэ чэгиэн доруобуйаны, айымньылаах үлэҕитигэр ситиһиилэри баҕарабыт уонна барҕа махталбытын тиэрдэбит. Күндү төрөппүттэр! Оҕолоргут билиигэ тардыһыыларын өйөөҥ, көмөлөһүҥ. Кинилэр үөрэхтэригэр көхтөөхтүк кыттан, кэскиллээх киһи буола улааталларыгар сүбэ-ама буолуҥ. Барыгытыгар үөрэххэ уонна үлэҕэ саҥа ситиһиилэри, чэгиэн доруобуйаны, дьолу-соргуну баҕарабыт! Билии күүһэ өрүү биһигини сирдээтин! «Сунтаар улууһа (оройуона)» муниципальнай оройуон баһылыга А.В. Григорьев Сунтаар улууһун депутаттарын Сэбиэтин бэрэссэдээтэлэ У.Д. Попова