50 сыл бииргэ 💞 — 27 августа 2026 г. в 14:49:45.119
50 сыл бииргэ 💞 Иннокентий, Саргылана Намыловтар дьиэ кэргэттэрэ Сунтаар улууһун «Кыһыл көмүс сыбаайба» бочуот кинигэтигэр 392 N киирбиттэрин туһунан баһылык солбуйааччыта Алексей Корякин иһитиннэрдэ. Үөрүүлээх дьоро күҥҥэ СӨ Ил Дархана А.С.Николаев анаабыт «Дьиэ кэргэн килбиэнэ» бэлиэни улуус баһылыга Анатолий Григорьев туттарда. "Нэһилиэк социальнай - экономическай сайдыытыгар кылаатын иһин" бэлиэни Саргылана Васильевнаҕа эҕэрдэ суругу, бэлэҕи кытта баһылык Александр Григорьев туттарда. Киһиэхэ саамай күндүтэ, сыаналааҕа – дьиэ кэргэнэ, истиҥ-сылаас сыһыана, олоҕун устун бииргэ айанныыр чугас дьоно. Халыҥ аймах, оҕолор, доҕоттор, ыалдьыттар ааттарыттан маанылаах сандалыга истиҥ - иһирэх эҕэрдэ тыллара этилиннэ, алгыс мааныта ананна. Истиҥ эйгэлээх дьиэ кэргэн үксүү, холобур буолар дьоһун ыал нэһилиэкпитигэр элбии туруохтун.