🇷🇺 РОССИЙЫН КЕЧЫЖ ДЕНЕ! — 12 июня 2026 г. в 07:00:02.883
🇷🇺 РОССИЙЫН КЕЧЫЖ ДЕНЕ! Марий Элыште илыше пагалыме еҥ-влак! Марий Эл Кугыжаныш Погынжын лӱм дене алал кумылын саламлем тендам Российын кечыж дене! Ты пайрем шуко национальностян кугу элыштына илыше кажне еҥын шӱмышкыжӧ ойыртемым пурта. Тудо элнан курымла дене историйжым, поян тӱвыражым да йӱлажым, Российын ончыкылыкшо верч кугу муткучышым шарныкташ амалым ышта. Таче, кунам мемнан кугыжанышна суверенитетым пеҥгыдемдыме да национальный интересым аралыме шотышто кугу задаче-влакым шукта, калыквлак коклаште икоянлык да патриотизм шӱлыш поснак виян. 2026 ийыште увертарыме Россий калык-влакын икоян улмо идалык пеҥгыдемда: мемнан вийна – тичмашлыкыште да элыштына илыше кажне калыкын тӱвыражым да йӱлажым пагалымаште. Мыланна, Марий Элыште илышешамычлан, Шочмо элым йӧратымаш шке шочмо кундемым, республикым йӧратымаш гыч тӱҥалеш. Тудын историйже Российысе историй деч ойыраш лийдыме. Кундемнан эсенлыкше верч тыршыше аграрий, промышленник, врач, туныктышо, тӱвыра пашаеҥ-шамычын лектышышт дене кугешнена. Шӱм гыч лекше тауштымашна таче йоҥгалтше чылалан, кӧ шке лӱддымылыкшӧ да патырлыкше дене спецопераций кайыме кундемлаште сеҥымашым лишемден толеш. Пагалыме йолташ-влак! Тек ты пайрем тыланда сеҥымашке шуаш у вийым пурта. Чылалан пеҥгыде тазалыкым, пиалым, тыныслыкым да перкелыкым тыланем! ✍️Михаил ВАСЮТИН, Марий Эл Республикысе Кугыжаныш Погынын Председательже.