ПАЙРЕМ ДЕНЕ 🇷🇺 — 12 июня 2026 г. в 06:35:02.120
ПАЙРЕМ ДЕНЕ 🇷🇺 Марий Элыште илыше пагалыме еҥ-влак! 12 июньышто элнан ик эн кӱлешан пайремжым – Российын кечыжым – палемдена. Тидыже кугыжанышнан шуко курымашан историйжым, икоян калык дене икте-весым пагален, умылен, пашам ыштен, ончыкылыкым чоҥымынам шарналташ амалым луктеш. 2026 ийым элнан лидерже Владимир Путин Россий калык-влакын икоян улмо идалык семын увертарен. Тудын пунчалже элнан историйжын да поян тӱвыражын кӱлешлыкыштым пеҥгыдемда. Мемнан республикна тидлан ик эн ямле пример: Марий Элыште 50 утла тӱрлӧ национальностян еҥ-влак илат. Тыгодым кажне калык шке тӱвыражым, йӱлажым, йылмыжым арала. Ятыр тӱрлӧ калык илыман кундемыштына тыныслык да келшымаш озаланыме дене кугешнена. Калык-влакын тӱвыра поянлыкыштым аралымаш да вияҥдымаш тӱҥ задачыланна шотлалтеш. Тидыже икоян да тӱрлӧ улмынам пеҥгыдемдаш сайын полша. Вет лач икоян улмаште – элнан вийже, кудыжо ончыко вӱда да шонымашке шуаш йӧным ышта. Ты ямле кечын тыланем тыланда, шергакан йолташ-влак, тазалыкым, пиалым, эсенлыкым! Тек икоян улмына да Шочмо элнам пагалымына мемнам ушен шогат, у сеҥымашлан кумылаҥдат да сай ончыкылыклан ӱшаннам пеҥгыдемдат. Российын кечыж дене! Кумда элнан – Российын – у сеҥымашыж деке ончыко! ✍️Юрий Зайцев, Марий Элым Вуйлатыше.