🇷🇺 15 июньышто Марий Эл Республикын Калык-влакын келшымаш пӧртыштышт «Единый Россий» ... — 18 июня 2026 г. в 12:26:57.527
🇷🇺 15 июньышто Марий Эл Республикын Калык-влакын келшымаш пӧртыштышт «Единый Россий» политический партийын региональный отделенийжын XXXVI конференцийже эртаралтын. Мероприятийышке депутатский корпус, ветеран организацийласе представитель, «Герои Марий Эл. «Талешке-влак» программын участникше, медик-волонтёр, «Молодой Гвардийын» активистше да республикыште илыше-влак ушненыт. Конференцийым почмыж годым Марий Эл Республикым Вуйлатыше, партийын регионысо отделенийжын секретарьже Юрий Зайцев ончылгоч йӱклымашын ешаралтмыж нерген ойлен: йӱклымашке 65 784 еҥ ушнен, тидыже 2021 ий деч шукырак. Чолгалык дене Медведево, Советский, Юрино, Параньга районлаште да Шернур округышто ойыртемалтыныт. Марий Элым Вуйлатыше ты таҥасымаште Марий Элысе ик мандатан округышто сеҥыше Наталья Козловам да партийный списке дене Александр Борисовым саламлен.