Медведево район Руэм посёлкысо шуко профилян лицей-интернатын «Келшымаш» да Параньга по... — 17 июня 2026 г. в 09:09:07.340
Медведево район Руэм посёлкысо шуко профилян лицей-интернатын «Келшымаш» да Параньга посёлкысо школын «Живая нить» командыже-влак Москошто 10-15 июньышто эртаралтше «Содружество» российысе туныктымо-усталык фестивальыште ончыл верыш лектыныт. Россий калык-влакын икоян улмо идалыклан келыштаралтше ты проектым «Содружество» йочалан да молодёжьлан личность семын кушкаш да гражданский воспитанийым пуышо мер толкын, тыгак «Знание» Российысе обществе ден Россий калык-влак пӧрт илышыш шыҥдареныт. Фестивальыш Российысе 23 регион гыч школьник да коледжысе студент-шамыч ушненыт. – Тушто ятыр оҥай задаче лийын, шуко ум пален налынна, шкаланна пеш шуко мом почынна. Фестиваль сеҥымашым веле огыл, у шӱлышым пӧлеклен, шуко еҥ-дене палыме лийынна да ончыкыжым чыла шотыштат кушкаш опытым налынна, – ойлат ӱдыр-рвезе-влак.