🛑 Йошкар‑Олаште Пеледыш пайремлан кӧра транспорт коштмым да шогымым жаплан чарат — 17 июня 2026 г. в 09:08:06.016
🛑 Йошкар‑Олаште Пеледыш пайремлан кӧра транспорт коштмым да шогымым жаплан чарат 19 июнь 15 шагат гыч 20 июнь 12 шагат марте Волков урем дене (Ленин проспект гыч Гоголь урем марте ужашыште) транспортым шогалташ чарат. Тыгак 20 июньышто 8 шагат гыч 12 шагат марте Ленин площадьыште (Комсомольский урем велым) машинам шогалташ ок лий, тидын шотыштак турист автобус-шамычымат. Шыгыремдымаш тыгак М.Шкетан лӱмеш драмтеатр деке Комсомольский урем могырым пурымыланат лиеш. 20 июньышто 8 гыч 12 шагат марте Волков урем дене (Гоголь урем гыч Ленин проспект марте) кудалаш ок лий. Тыгак 10:45 гыч 11:45 марте Ленин проспект (Комсомольский урем гыч Петров марте) ужашым петырат. Тазалык аллейыште 20 июньышто 6 шагат гыч 18 шагат марте 3.9 «Велосипед дене кошташ чарыме» знак-шамычым шындат. А Марий паркыш пурымым 3.1 «Пураш чарыме» знак дене шыгыремдат: тудо 19 июнь 20 шагат гыч 20 июнь 22 шагат марте пашам ышташ тӱҥалеш.