26 июньышто Марий Элыште «Работа России. Время возможностей» Всероссийский вакансий ярм... — 17 июня 2026 г. в 09:08:37.712
26 июньышто Марий Элыште «Работа России. Время возможностей» Всероссийский вакансий ярмиҥган федеральный проектше эртаралтеш. Тудым «Кадры» нацпроект почеш лиеш. Тидлан лӱмын ямдылыме площадкылаште (тӱҥ площадке – Йошкар-Оласе тӱвыра да каныме рӱдӧ парк) 120 наре предприятий ден организаций 2,5 тӱжем утла вакансийым темла. Ярмиҥга пашам кычалшылан веле огыл пайдале лиеш. Школышто тунемше, студент, выпускник да ача-ава-шамычлан Профессий фестиваль, тӱрлӧ модмаш да мастер-класс эртат. Участник-шамыч графический рисованийыште, слесарь пашаште, фотосъёмкышто, беспилотникым виктарымаште, ветеринарийыште да моло сомылышто моштымашыштым терген кертыт. Паша верым ситарыме рӱдерлан специалистышт келшыше направленийым ойыраш да профессиональный маршрутым ышташ полшат.