Йӱдвелне йӱштӧ гынат, чонлан шокшо — 26 июля 2026 г. в 09:16:01.762
Йӱдвелне йӱштӧ гынат, чонлан шокшо Параньга район Усола ялын ӱдыржӧ Карина Соколова (ӱдыр фамилийже Усолова) Хант-Манси автономный округысо Сургут олаште шке ешыж дене 11-ше ий ила. Шуко марий еҥлан келшен шичше вер дене таче тудын полшымыж дене палдарена. – Карина, молан илаш лач Сургутым ойырен налында? Кузе да мо дене ты вер сымыстарен? Могай икымше шонымашым шочыктен тиде кундем? – Мый Йӱдвелыш изиж годымак илаш кайыше марий рвезылан марлан лектынам. Романын ача-аваже шочынжо У Торъял район гыч улыт, шукертсек Тюмень областьысе Тобольск олаште илат. Пелашем дене ушнен, Сургутышто илаш тӱҥална. Тиде ола пашаче калыклан поян, кечывалым йӱк-йӱан дене темше, а кастене да йӱдым шып, чонлан да еш дене илаш келшыше – тыгайым мый тудым эше самырыкрак улмем годым да тышке илаш куснымеке шижынам. Тушко Озаҥ ола гыч миенам. Тусо колледжыште фармацевтлан тунем лекме деч вара пашам ышташ тӱҥалынам да Озаҥысе медицинский кугыжаныш университетыш заочно тунемаш пуренам... 🔖 Умбакыже лудса: [#alias|кугарня24.рф/йӱдв...|https://кугарня24.рф/йӱдвелне-йӱштӧ-гынат-чонлан-шокшо/]