Юрий Зайцев тыгак Пӹзӹкныр селасе индивидуальный предприниматель Евгений Мурыгинын крес... — 13 августа 2026 г. в 11:07:01.092
Юрий Зайцев тыгак Пӹзӹкныр селасе индивидуальный предприниматель Евгений Мурыгинын кресаньык (фермер) озанлыкыштыже лийын. Пытартыш жапыште предприятий кугыжаныш полышлан кӧра кушкеш да пакчасаска ден пареҥгым ончен куштымо секторышто пеҥгыдын шога. – Ковыштам, пареҥгым куштымо производствыда ий гыч ийыш кугемеш. Тиде пример гоч сайын ужаш лиеш: кугыжаныш полыш сайынак пашам ышта. Пашам моштен ыштыме дене озанлык сату шукемеш да ужалыме сетьлаште темлалтеш. Мемнан аграрий-влаклан полшыманак, вияҥын шогышо озанлыклан – поснак. Тидым умбакыжат ышташ тӱҥалына, – ойлен Вуйлатыше. Палемдыман, 2020-2026 ийлаште озанлыклан 20 млн наре теҥгеаш кугыжаныш полышым ойырымо. Оксам пакчасаскам ончен кушташ техникым да оборудованийым налаш кучылтмо. Евгений Мурыгинын озанлыкше ялозанлык рынкыште 2007 ий гыч пашам ышта. Ты жапыште пакчасаска лектыш ик гектар гыч 330 гыч 520 центнер марте кушкын. Тылеч посна Е.Мурыгин «ГринОвощи» потребительский кооперативым вуйлата. Тушто 23 еҥ шотлалтеш, да 2022-2026 ийлаште кугыжаныш деч 6 млн наре теҥгеаш субсидийым налын.