Турист-влаклан – троллейбус 🚎 — 13 августа 2026 г. в 10:10:28.406
Турист-влаклан – троллейбус 🚎 Йошкар-Олан шочмо кечыжлан рӱдолаштына республикысе икымше туристический троллейбусым колтеныт. Марий Элым Вуйлатыше Юрий Зайцевын палемдымыж почеш, пассажир-шамычлан марий калыкын историйже, йӱлаже да моло факт дене палдарыме аудиогидым ямдыленыт. 8 да 9 августышто турист-влаклан Патриарший площадьым, В.И.Ленин лӱмеш тӱвыра полатым, Изи Какшан эҥер серым ончыктеныт. Тылеч посна калыкнан ончычсо да кызытсе поян историйже дене палдареныт. Йошкар-Ола ты ганат олаште илыше да уна-влакым ойыртемалтше проектше дене ӧрыктарен. 🔹 Тыгак тиде каныш кечылаште, 15 да 16 августышто, ты туристический троллейбус уэш маршрутыш лектеш. Тудо 10 гыч 13 марте кажне шагат турист-шамычым олана дене палдараш тӱҥалеш. Кумданрак https://vk.ru/wall-146675490_170138 ссылке почеш пален налын кертыда. Каласыман, туристический троллейбусым «Туризм и гостеприимство» нацпроект да Марий Элыште 2030 ий марте туризмым вияҥдыме шотышто кугыжаныш программе почеш илышыш шыҥдарыме.