👥 Юрий Зайцев Козьмодемьянскысе Я.Эшпай лӱмеш калык тӱвыра рӱдерыште «Завод «Копир» ак... — 13 августа 2026 г. в 10:08:17.517
👥 Юрий Зайцев Козьмодемьянскысе Я.Эшпай лӱмеш калык тӱвыра рӱдерыште «Завод «Копир» акционер обществым ыштымылан 60 ий темме лӱмеш пайремле мероприятийыште лийын. 1966 ий 8 августышто негызлыме предприятий кызыт Российыште электрический соединитель-влакым ыштен лукшо ик эн кугу предприятийлан шотлалтеш, тушто тыгак автотракторный электрооборудованийлан устройство ден комплектующий-влакым ямдылат. – Тендан сатуда – качествын да ӱшанлыкын эталонжо. Заводышто кугу инвестиций проект-влак илышыш пурталтыт, тиде импорт сатум алмашташ полша. Коллетивлан тыршен пашам ыштымыжлан тауштем. Пашада эллан моткоч кӱлешан. Поснак – кызыт. Садлан тыланда у кӱкшытым, вийым, кумда элнан полышыжлан умбакыжат ӱшанаш тыланем, – ойлен Ю.Зайцев. Вуйлатыше тыгак Марий Эл Правительствын заводлан тӱрлӧ семын полшымыж нерген палемден: оборудованийым налаш субсидийым да лизингым ойырымо, «Эффективная и конкурентная экономика» нацпроектыш ушнаш полшымо. Пайрем годым Ю.Зайцев завод пашаеҥ-влаклан Марий Эл Республикысе кугыжаныш награде-влакым кучыктен да предприятий коллективлан шарнымаш пӧлекым – картиным – пӧлеклен.