🚑 Йошкар-Олаште илыше-влак скверыште да гастрофестивальыште тазалыкыштым терген кертыт — 13 августа 2026 г. в 10:09:37.912
🚑 Йошкар-Олаште илыше-влак скверыште да гастрофестивальыште тазалыкыштым терген кертыт Тиде арнян Марий Элым Вуйлатыше Юрий Зайцевын «Таза республик» проектшын мобильный «Тазалык пунктшо-влак» олаште иканаште кок площадкыште пашам ышташ тӱҥалыт. 🔻14 августышто (кугарнян) 10 гыч 14 шагат марте – Пушкин лӱмеш скверыште. Тыште вӱрыштӧ глюкозын кӱкшытшым, антропометрийым тергаш, артериальный давленийым висаш, тыгак врач-терапевтын консультацийжым налаш лиеш. 🔻15 августышто (шуматкечын) 11 гыч 15 шагат марте – Медведево ипподромышто. Мобильный «Тазалык пункт» «Йошка Еш» гастрофестивальын площадкыштыже верлана. Тыште 2-шо №-ан оласе поликлиникын «Тазалык рӱдерже» эмлыме-консультативный полышым пуа. Еҥ-влак вӱрыштӧ глюкозын кӱкшытшым, антропометрийым, пульсоксиметрийым, биоэмпидансметрийым, шинча кӧргысӧ да артериальный давленийым висен кертыт. Тыгак эндокринолог ден терапевтын консультацийыштым налаш йӧн лиеш.