Әрем белән дәваланганда сак булырга кирәк. Чөнки ул ифрат көчле тәэсиргә ия. Артыграк к...
Әрем белән дәваланганда сак булырга кирәк. Чөнки ул ифрат көчле тәэсиргә ия. Артыграк кулланганда, агулану, йокысызлык, йөрәк кагу, күңел болгану күзәтелергә мөмкин. Бабасыр, геморрой, зарарлы бактерияләрдән котылу өчен тәүдәге 3 көндә бер чеметем (1 бал кашыгыннан да күп түгел) әремне өч сәгать саен кабып, чәйнәп йотарга һәм су эчеп куярга кирәк. Янә 4 көн көненә 4 тапкыр әремне шул рәвешчә кулланалар. Бу курсны елга ике тапкыр кабатлап була. Әремнең органик составы кеше ашказанындагы үт сыеклыгына охшаш. Шуңа да аны ашказаны асты бизе, бавыр, эчәклек һәм үт юлы авыруларын дәвалаганда, ашкайнату сүлпән булганда, эч күпергәндә, авыздан ис килгәндә киң файдаланалар. Әрем суы шикәргә, татлы ризыкларга тартылудан да коткара ала. Әрем суын (төнәтмәсен) ясау өчен 2 аш кашыгы әремгә бер стакан кайнар су коеп, су мунчасында (водяная баняда) 15 минут кайнаталар. Суытып, сөзеп, күләмен 200 граммга кадәр җиткерәләр. Төнәтмә суыткычта ике көн саклана. Ач карынга, ашар алдыннан ярты сәгать кала көнгә өч мәртәбә 0,25 стакан эчелә. Дәвалау курсы – 2 атна. 2 атна ял иткәч, курсны кабатларга була. Әремне спиртта төнәтүдән сак булырга кирәк, ул агулы була. Авырлы, бала имезүче хатыннарга, ашказаны җәрәхәте (язва), гастрит булганда, үт куыгында таш кузгалганда әрем белән дәваланырга ярамый. Табиб белән киңәшләшеп дәваланырга онытмагыз. Дильбар Сулейманова