От ыйын үһүс күнүгэр Анатолий Гаврилович Старостин 80 сааһын туолуутугар анаан Литерату...
От ыйын үһүс күнүгэр Анатолий Гаврилович Старостин 80 сааһын туолуутугар анаан Литературнай музейга дьоҕус быыстапка турда. Анатолий Гаврилович дьокуускай художественнай училищетын выпускнига, Горькай аатынан литературнай институт выпускнига. Бастакы хоһоонноро 1961 сыллаахха бэчээттэммиттэрэ. Хоһооннорун бастакы хомуурунньуга «Аал уоппар итэҕэлим» 1973 сыллаахха күн сирин көрбүтэ.1979 сыллааха Ойуунскай аатынан литературнай музейга үлэлии киирэр. Бу музейга Анатолий Гаврильевич аҕыс сыл үлэлээбит ол кэмигэр суруйааччылары кытта алтыспыт, элбэх дьоро киэһээлэри тэрийбит суруктара уонна хаартыскалара,библиографията,ырыа буолбут хоһоонноро ууруллуннулар, ону кытары Семен Петрович Данилов киниэхэ анаан 1974 cуруйбут алгыс тылыттан быһа тардыы киирдэ. Кини таптала, доҕоро Люция Петровна Старостиналыын ыал буолан оҕо уруу төрөтөн үс оҕолонон, 7 сиэн, биир хос сиэн быр бааччы ыал буолан олороллорун көрдөрөр хаартыскалар бааллар. Ойуунскай аатынан Литературнай музейга кэлэн көрүҥ, истиҥ,сэргээҥ. Биһи социальнай ситиммитигэр суруйтарыҥ : https://max.ru/id1435055078_gos https://vk.com/sakhalitmuseum https://t.me/sakhalitmuseum https://rutube.ru/channel/32769536 https://sakhalit.com