«Марий кеҥеж» фестиваль жапыште лишыл кечылаште ятыр мероприятий лиеш. — 11 июня 2026 г. в 10:26:17.495
«Марий кеҥеж» фестиваль жапыште лишыл кечылаште ятыр мероприятий лиеш. Тидын нерген рӱдоласе администраций палдара. Таче 11 июньышто «Российский триколор» акций лиеш, тыгак школ стадионлаште модмо программе-влак. 12 июньышто Российын кечыже лӱмеш кумда программым темлат. Ты радамыште парашютист-влакын выступленийышт, тидын дене пырля «Этносем» фестиваль лиеш. Тудо Царьградский площадьыште – Православий историй тоштер ваштареш эртаралтеш. 13 июньышто Чавайн бульварыште кидмастар-влакын ярмиҥгашт, тыгак 16:00 шагатлан Патриарший площадьыште Шернур районысо коллектив-влакын концертышт. 14 июньышто Йошкар-Олаште «Эвелин» велопарад Ленин площадьыште тӱҥалеш, 11:30 минутлан Патриарший площадьыште «Весела сем» ансамбль марий куштымашке ӱжеш. Нине кечылаште мероприятий да концерт-влак ятыр площадкыште эртат.