Йошкар-Олаште ӱдырамаш консультацийым чоҥен шуктат.
Йошкар-Олаште ӱдырамаш консультацийым чоҥен шуктат. Тудо 17 тӱжем пациенткылан келыштаралтеш. Ӱдырамаш консультаций сборно-модульный лиеш. Тудым «Еш» нацпроект дене ыштат. Тазалыкаралтыш министерствыште палдарат, кызытсе жап марте каркасым поген шуктеныт, окнам да омсам шынденыт, фасадым келыштареныт, кызыт сантехнический оборудованийым вераҥдат. План дене объектыште пашам 2026 ий ноябрь марте мучашлышаш улыт. Консультацйиыште ныл врачебный участке лиеш. Каласен кодаш лиеш, кызыт Марий Элыште ӱдырамаш-влаклан 6 у консультаций пашам ышта. Нуным «Еш» нацпроект дене келшышын ыштеныт.
184 просмотров