Тиде кечылаште Йошкар-Олаште «Тазалык пункт-влак» пашам ышташ тӱҥалыт. — 11 июня 2026 г. в 07:19:06.866
Тиде кечылаште Йошкар-Олаште «Тазалык пункт-влак» пашам ышташ тӱҥалыт. Таче 10:00 гыч 14:00 шагат марте Рӱдӧ каныме паркыште медицин пашаеҥ-влакын пунктышт лиеш. 12 июньышто - 11:00 гыч 15:00 марте Никонов лӱмеш площадьыште. Нине верлаш миен, еҥ-влак экспресс-тергымашым эртен кертыт. Специалист-влак вӱрыштӧ холестериным да глюкозым тергат, шодын кугытшым пален налаш,шинча да вӱр давленийым висат. Экспресс-диагностике дечын вара терапевт тазалыкым пеҥгыдемдаш йӧн-влакым темла. Тидын годым чыла кумылан «Коробка храбрости» российысе акций деке ушнен кертеш. Пунктлаш толшо-влак канцеляр сатум, модышым, книгам да молымат лӱмын верыш коден кертыт. Нине пӧлек-влакым республикысе эмлымверлаште кужун эмлалтше йоча-влаклан пуат. «Тазалык пункт-влак» регион вуйлатыше Юрий Зайцевын темлымашыже дене икмыняр кеҥеж почела эртаралтыт.