Озанлык-влак кургым ямдылат. Марий Элыште арня тӱҥалтышлан кукшо шудым палемдыме гыч 17... — 8 июля 2026 г. в 11:22:07.489
Озанлык-влак кургым ямдылат. Марий Элыште арня тӱҥалтышлан кукшо шудым палемдыме гыч 17 процентшым ямдылыме, сенажым – 65, силосым – 9 процентшым. Тений вӱдыжгӧ игечылан кӧра шудо сайын шочын, сандене кургым теният палемдыме наре шапашлен кодаш йӧн уло. Эше кукурузо кызыт атылана, шыжым силосым ситышын опташ келшыше лиеш. Ялозанлык да продовольствий министерстве гыч пурышо увер почеш кызыт марте кукшо шудым 6,3 тӱжем тонным, але ӱмашсе тыгаяк жап дене таҥастарымаште 1,7 тӱжем тоннлан шукырак ямдылыме. Сенажым 140 тӱжем тонным шапашлыме, силосым – 32 тӱжем тонным. Ӱмаште сенажым тиде жаплан шагалрак шапашлыме ыле, а силосым – шукырак. Шукияш кургылык кушкылым 33 тӱжем гектарыште поген налме. Тидыже кодшо ий деч ик тӱжем гектарлан шукырак.