Йошкар-Олаште Воскресенский проспектым тӱзатат. — 8 июля 2026 г. в 10:37:07.903
Йошкар-Олаште Воскресенский проспектым тӱзатат. Йошкар-Ола мэрын пашажым жаплан шуктышо Антон Трудинов палдарен: тудо технически 60% ямде. Тымарте демонтажым ыштеныт, мланде йымалне коммуникацийым да кабельым оптеныт. Тидын дене пырля тротуарлаште у асфальтым шареныт. Кызыт специалист-влак газонышто ужар постом ыштат. Ушештарена, тиде проект кодшо ийын оналйн-йӱклымаште ик эн шуко йӱкым поген. Тудын верч 3840 утла еҥ йӱклен. Улшо концепций дене келшышын, тушто йолын коштшо-влаклан, ведосипед дене кудалыштше-шамычлан йӧнан лиеш, канен шинчаш верым ыштат. Тидын дене пырля теҥгыл, парклан келшыше арке-влак лийыт. Изирак архитектур формылаште марий сын кояш тӱҥалеш. Чоҥышо-влак пушеҥге да вондерым шындат, пашам сентябрь марте мучашлышаш улыт.