Таче еш, йӧратымаш да икте-весылан ӱшанле улмо кече. — 8 июля 2026 г. в 09:12:09.415
Таче еш, йӧратымаш да икте-весылан ӱшанле улмо кече. Марий Элын вуйлатышыже Юрий Зайцев тиде кече дене республикысе еш-влакым саламла да палемда: «Регионысо правительстве демографийым вияҥдыме, ешын вержым чапландарыме, йоча шочмашлан да икшыве-влаклан полышым ойыра». Тений республикыште ик тӱжем утла еш чумыралтын, 2 тӱжем утла икшыве шочын. Марий Эл демографийым саемдыме программыш ушнен. Тудын дене еш-влаклан полыш ойыралтеш, тыгак ола да селалаште инфраструктур саемеш. Регионышто кум ий марте йоча-влаклан арверым айлыме пункт-влак пашам ыштат. Регион вуйлатыше шуко шочшан, икшывым ешыш ашнаш налше ача-ава-влаклан тауштен. "Спецоперацийын участникше-влакын ешыштлан посна кугу таум ойлена", - ешарен вуйлатыше. Таче республикыште ешын кечыжлан пӧлеклалтше пайрем эртаралтеш, еш-влакым саламленыт.